Inaugurase a exhibición de pancartas sobre inmigración na Illa de Arousa. Non faltes.
Amigas, xa temos o cartaz do obradoiro de pancartas/faixas sobre o tema da inmigración. Axiña poremos máis información. OBRADOIRO DE PANCARTAS SOBRE INMIGRACIÓN
ORGANIZA: CÍRCULO SILENCIO PONTEVEDRA
COLABORAN: ESCOLA DE PAU, CONCELLO DA ILLA DE AROUSA, A CASA BRANCA, YOSEBA_MP.
LUGAR: ESCOLA DE PAU- ILLA DE AROUSA
DATA: SÁB 25 E DOM 26 DE XANEIRO
Guiará o obradoiro o muralista @sebaspintandola.
Para chegar ata alí sairán varios coches dende Pontevedra, organizámonos entre todos;)
De balde. Trae se podes a túa pancarta en branco!
A idea é xuntarnos para facer pancartas sobre as causas do drama da inmigración irregular, que non son poucas, por iso agradecemos traer traballo pensado e traballado da casa, frases, imaxes impresas…
A acción farase de forma simultánea en Dakar, guiada polo maestro artesano Ben Mady Kidiéra e despois faremos unhna montaxe conxunta das fotos;)
Ao rematar exporemos as pancartas na rúa!!
Teléfono de contacto: 695945868 (Teresa)
Correo electrónico: circulosilencioponte@gmail.com
GRAZAS!!!
PRÓXIMA XUNTANZA DO CÍRCULO do SILENCIO primeiro venres de Outubro do 2025 AGARDÁMOSVOS!!!
NINGÚN SER HUMANO É ILEGAL
Axúdanos a ampliar o círculo !
O obxectivo é poñer en coñecemento e denunciar unha situación de actualidade con sensibilidade.
A meirande parte das veces lese un manifesto coas denuncias ou noticias máis destacadas dos fluxos migratorios e os atrancos que os estados poñen ós mesmos.
Trátase de poñer o foco e dar testemuño, a través dunha acción non violenta en solidaridade coas persoas migrantes.
O noso círculo está aberto á participación en calquera intre para todo aquel que desexe informarse ou animarse á contribuir á causa con pancartas, murais ou fotografías que axuden a visibilizar a situación.
Por que revindicar deste xeito?
O silencio é a nosa forma de solidariedade coa realidade, ás veces esquecida dos que sofren. Ó mesmo tempo que facemos un chamamento á conciencia do cidadán de Pontevedra sobre esta situación.
Obxectivos
Unha sociedade máis xusta e concienciada para mirar a migración dende varios puntos de vista, e non só do europeo-receptor que saca proveito da man de obra sen querer atender ós aspectos sociais.
Queremos a implicación dos cidadáns de Pontevedra na loita pola humanización das políticas migratorias, para darlle voz a todos aqueles que non a teñen.
Polos dereitos de todos!
Pola visibilidade dos que non son visibles, agardámoste cada primeiro venres de mes, ás 20:30h, na Praza da Peregrina, Pontevedra.